Тарихдин шагьидар

Аскерар хьиз акъвазнава жергеда,
Такабур кьил элкъурна хьиз кьибледихъ.
Гуя ак/ я,чилин к/аник дегьнеда,
Вири сад хьиз ацукьнава суьредихъ.

Уьтквем рик/ер къванер хьана тарихдин,
Кьилихъ гала чи дидейрин,бубайрин.
Ктаб хьанва чи несилриз лайихдин,
Гевгьер мецер эвезна мерд рухвайрин.

Эхь,къванерин к/аник ширин ахвара,
Уьмуьрлухди ксанва чи архаяр.
Телеф хьайи ватандивай яргъара,
Мурадарал рик/ аламай стхаяр.

Чилин к/аник вуч кват/ани чидач чаз,
Гафарай ква лугьузва:-гуьл бахчаяр,
Фириник/ед булахарни бугъ алаз,
Гьуьруьпери вахарив гваз хунчаяр.

Къайи зем-зем ятар авай булахар,
Авалда хьи и чилелай булвилелд,
Безетмишай гуьрчег къацу яйлахар,
Гьар са намет рик/из к/ани тухвилелд.

И лишанар лайих ялда женнетдиз,
Кьисметнава квачирбуруз гунагьар.
Писвилериз рехъ гайи кас,жегьнемдиз,
Ц/ун ялавра ийизвалда кабабар.

Эмир атай ч/авуз ч/ехи Аллагьдин,
Садакайни куьмек жезвач инсандиз.
Кьезил жеда лугьузва,хел гунагьдин,
Гьуьрмет ийиз хьайит/а дин-исламдиз.

Малайикар яз кьазава шагьидар,
Къуьнералаз къекъвезвалда чахъ галаз,
Авачт/ани анай хтай сагьибар,
К/ан жезава вири гафар гьахъ акваз.

Амма гзаф гунагьар квай хаинар,
И дуьньядал квазава лап кефиник.
Эхир авач ийизвай кьван тахсирар,
Гьаниз фейла акатдалда хехиник.

Са кар якъин аквазва чаз вилерал,
Гьар са юкъуз хайи кьванбур рекьизва.
Гьа и карди иман гъизва сирерал,
Гьа ик/ инсан тарих амаз хъфизва.

Сурун къванер шагьидар яз тарихдин,
Виш йисара амукьзава синерал.
Сурун къванер сагьибар яз лайихдин,
Уьмуьрлухди аквазва чаз вилерал.