Дидейрин рикlер

Гьикьван яргъи хьана куьн, зулун йикъар,
Зи аскер хва гуьзет ийиз акъвазай.
Гуя ак/ я, гьатта сятдин икьрабар,
Зав гьуьжетиз явашдиз физ аквадай.

Хабар туша гьелек тирди дидед рик/,
Гьар сятина вилер рекьиз килигиз.
Ахварайни аквазвайди гуьне тик,
Вич хва алай сергьятрални илифиз.

Йиф мич/и я,йикъалайни залум я,
Диде ава декьикьаяр гьисабиз.
Яваш-яваш йикьан эквни малум я,
Физвач диде хва рик/еваз ахвариз.

Рик/ел кьвезва вири зин и арада,
Гьамиша вил рекьел алай дидеяр.
Умуд ат/ун тийиз къекъвез сурара,
Ч/улавралди эвезнавай дереяр.

Эхь,рик/еркай къванер хьанва, мармардин,
Сабурлувал хуьз алакьдай уьмуьрдин.
Дурум гудай ялавриз гьар шагьвардин,
Чаз дидейриз, сабур ганва, суьгьуьрдин.

Марф галачиз дуьзенра гьич кьар жедач
Марф такъвайла кьару жедач къубуни.
Веледи т/ар тавурдан рик/
т/ар жедач
Веледин дерт такурди жеч кьуьзуьни.