Алпандин цIай

Рик? пердеда, перде хурун кьефесда,
Секин жезвач уьмуьр амай кьадарда.
Вучиз зи рик? гьатнават?а гьевесда?
Вуч к?ан ят?а адаз завай и дарда?

Я йиф авач, я югъ авач, к?валах я.
Вучиз на вун, я азиз рик?, кук?варда?
На лугьун рик? ивидин са булах я,
Алпандин ц?ай твазва гьар са дамарда.

Ам ц?айлапан ят?а, яраб цаварин?
Сад Аллагьди Къавкъаз дагъдал рекье тур.
Алпан - къадим аллагь ят?а суварин?
Ам кьуьл ят?а, туьнт ?Лезгинка? рик?е тур?

Суалри зун гьелекзава, рекьизва!
Заз жуван рик? хуьз к?анзава саламат
Шагь-Дагъдин к?ук? хажалатрив рекъизва,
Чи секинвал акурла жез аламат

Лезгияр жен – дуьньяда т?вар-ван авай!
Гьич садахъни чилер авач чахъ хътин.
Рекьин тийир Шарвилидин чан хьтин,
Гьич садазни эллер авач чахъ хьтин!

Аранни Дагъ, ава Касдин гьуьлни кваз!
Себеб ятар Земземар тир Алпандин.
Берекатрин Женнет я чи чилни кваз,
Вил алукьиз тахьурай агъабандин!

Куьр вац? вуч я – ч?ехи стха Самурдин!
Кьурагь дагълар, Куьре – Аран, Ахцегьар –
Лацу шегьер-имарат са абурдин!
Квел шумудан хъфизматIа темягьар?

Алпандин ц?ай къугъвазва чи дамарра,
Хкахь тийиз, сел акьалтиз Самурдал!
Шарвилидин шив амазма чамарда,
Иес вилив хуьзва ада сабурдал.

Чаз къурху туш ц?аярикай, - ц?ай я чун!
Чи рик?ера азадвилин сел авай!
Мугьман патал эверайдаз – гьай я чун!
Шад кьуьлерин мехъер ава, мел авай!

Ц?у-чим гуда, ц?а чрада, ц?у-куда!
Ц?ун къативал аслу я гьар рик?елай.
Эй Сад Аллагь, лезги халкь ви агуда!
Алудмир чун азадвилин рекьелай!

Сажидинахъ дердер, гъамар мад ава,
Кьве патал пай авур лезги эл акваз.
Вахъ-Алпан ц?ай къизмишардай чад ава,
Гьикьван сабур кьан Ватандин шел акваз?!