Пехил я зун

Язух къвезва заз гъвеч1ибур
Еке крар тежезвай
Язух къвезва заз ч1ехибур
Вахт муьт1уьгъриз тежезвай

Язух къвезва заз жегьилар
Гъил -гъилеваз къекъвезвай
Яр къвалав гвай бахтлу ксар
Гуьгьуьл шад яз къекъвезвай

Язух къвезва заз алимар
Зурба акьул къачузвай
Язух къвезва заз итимар
Зур гафунлай кьат1узвай

Язух къвезва заз гьайванар
Чакай куьмек к1анзавай
Къушар ,гьашаратар вири
Рахаз тежез ванзавай

Бес пехилвал авачни захъ
Квез килигиз вилерал
Эхь,пехил я зун анжах, тек
Рик1 авачир къванерал