К1ахцугъ

Зин хайи хуьр чин К1ахцугъар
Куьн дагъларин сине ава
Гьи патахъ зун фейит1ани
Куьн гьамиша рик1е ава

Ц1уд саралди аял ч1авуз
На багъишнай заз чими чил
К1вачеллачиз къекъведайла
Вин къумбакар заз тир хъуьтуьл

Хъархъу тарар ,чумал тазар
Агь вуч девлет мал ава ваз
Булахдин яд вац1ун шагьвар
Къацу ч1урал билбил рахаз

Са пад дагълар са падни вац1
Дарман я вин михьи гьава
Мублагь жезва мадни чин хуьр
Шишерин гум гьатиз цава



Авадан хьуй мадни гзаф
К1ахцугърин хуьр -хайи ватан
Гьуьрчег рушар ,Шад жегьилар
Бахт галаз хьуй гьар са хзан