Нешлис

Бамкьурси аргълизир - шала берхIила,
Изуси уркIилис – дарман сабабла,
Неш сари дунъялис къаркъа хьулчила,
Балгундеш калахъес – анхъ даршудешла.

ТIашбатурси юртла тIал дебадешла –
Къияннис къакъбяхъес шури къаркъала,
Неш сари дунъялис нур жагадешла,
РяхIятдеш калахъес – хIер малхIямдешла.

ТалихI баракатла, гIиниз дигила,
ЦIябдеш гьарисуси шалда гIянручIла,
Неш сари дунъялис хъарихъ умутла,
Дунъя ласбикIахъес арк мургьи-арцла.