Дила дудешлис. халкьлаван

БиштIатачил хабарчи,
Гумагьав ихтилатчи,
Къавгъалис маслигIятчи,
Кьумурличив кьунтIачи.

Мургьи арцла някъбани,
Тукенна дарай умцан,
Урус улкала палтар,
Халкьлис дурдахъес дихан.

Тукенна цIуб гIярякьи,
Ламуслис шинван кертIан,
ДерцIиб диъбала кьумур,
Дарх деркахъес кадирхьан.

Къиянна дардла мерлав,
БегIла гьалав тIашкелзан,
Дунъя жагабирули,
Разидеш цугли буртIан.

ЯхI ламус ахъли дихIян,
Хала тукенна талхъан,
СирхIяла махьурбазиб,
Мабуаб хIела хабар.