Ялвар

Хуш я лугьуз ярар-дустар, межлисар,
Зав хъел хьана кьве чин алай иблисар.
Гунагьар каз кьурт?а завай силисар,
Къуй, зи дуван авурай Сад Аллагьди!

Халкьдин рекье кузва лугьуз ц?ук? хьана,
Хаинриз зи к?ан я таран к?ук? хана.
Уьмуьр тухвай муьгьуьббатдин лук? хьана,
Къуй, залай гъил къачурай Сад Аллагьди!

Агъдин лацу ранг кьадалди чуруди,
Гьич са карни авунач за ч?уруди.
Халкьдиз багъиш ганачт?а рик? хуруди,
Къуй, зи тахсир авурай Сад Аллагьди!

Рик?е авай мурадрин дагъ кьакьан тир,
Дережа зи, шукур Аллагь, юкьван тир,
Зун зи халкьдин къавук квай са чукьван тир,
Къуй, зи зегьмет акурай Сад Аллагьдиз!

Зи уьмуьрдал шадни я зун, сефилни.
Яшар пара, агьилни я, жегьилни.
Руьгь девлетлу шаирни я, саилни,
Къуй, маса рехъ тагурай Сад Аллагьди!

Захъ авайди кьве гъил, са кьил, мез я зи.
Халкь кесиб яз? к?ват?ай девлет квез я зи?
Ватан патал къуллугъ авун ферз я зи,
Къуй, дуьз рекьяй ракъуруй Сад Аллагьди!

Лезги чилин ширин я заз булахар,
Диде чилихъ гелкъуьн я зи к?валахар.
Жуван халкьдал ийизва за дамахар,
Къуй, шад уьмуьр хугурай Сад Аллагьди!

Эмина хьиз ч?алар лугьуз рик?евай,
Сажидин я? Сулейманан рекьевай.
Дуьзвал, гьахъвал патал даим йикьевай,
Къуй, руьгь Вичел ч?угурай Сад Аллагьди!