Дунъя баршили бархьли

ГIямру сари жагали, мягIнара чула – мурхьли.
Дунъяланти бархили, бурхIни ардашар къагъли.
Дусми луша бурхIнани, дунъя аркьян арцурли.
Адам кархар хIяблизи, акIубли, гIур вебкIили.

Гьар бархIила къайгънани адам ахIен валтули,
Дунъяра чебаили, жагадешра баргили,
Лерил секIал аргъили, арукьяхъес паргъатли.
Адам акIес багьандан, гьар бархIи сай ургъули.

Хъулрала лац лушули, хъу балцули, белгIули,
Бирхули аргъ, биршули, яни, хIеб дарсдикIули.
ИшбархIи каберхурли, жягIял бакIахъес хьулли.
ЦарахIел хIерикIалли – адам хIябличи хIерли.

Илкьяйда биаллира, адам ахIен пашманни,
Улхаллира гъазали, гIямру сари дурхъали.
Узули, хьуликIули, адам сай талихIчевли.
Чебиулрив? Аллагьли, дунъя баршили бархьли.