Пара ава

Ваз течидай затl парава,
Заз течидай затl парава.
Итимвилин лишанрикай
Хабарсуз кьацlатl парава.

Ажузбурин винел гъугъда,
Къечигъна мез-сив агъуда.
Гужлубуриз кьил агъузда,
Къене кичlе рад парава.

Закай къведа ваз лугьуда,
Вакай къведа заз лугьуда.
Тапан кьинер кьаз лугьуда,
Хупl фитне-фасад парава.

Кесибд патав ялакь я ам,
Лугьумир хьи,ахмакь я ам.
Девлетлудаз ялтах я ам-
Абру гудай чlатl парава.

Гьахъ гаф чинал лугьун авач,
Патав ви ам гьич пис рахач.
Тlар тавуна,галкlурна кlвач,
Ярхардай "устад" парава.

Ватан вуч я чидач абруз,
Патанд вуч я чидач абруз.
Вижданди пул гъидач абруз-
Тирд адкай азад-парава.

Намик,чида,вири зай туш,
Кьегьал хваяр жез тахьай туш...
Де бес вучин,им завай туш-
Намертди кьвед къат парава.
28.08.2021 г.