Гьайиф я

Лезет авай уьзуьмарин багъларай,
Уьзуьмрин дад такурлай заз гьайиф я.
Етим хьана, кьуранвай и мукьвара
Багъ акурлай, сефил я заз, гьайиф я.

Цуьквер кьула гуьзелдиз ухшар авай,
Кагьраба хьиз, мержандин къашар авай
Къизилдин цуьк кьурана са тlвар ама,
Килигиз зун ,чlугвазвай агь гьайиф яз.

Билбилдин манидални зун гьейран я,
Атирар гвай цуькведиз ам масан я.
Сес амачир багълара лап залан я,
Перишан я, тlебиатни гьайиф я.

Ухшар авай джейрандиз зи гуьзел яр,
Ви акунриз тахьурай гьич бедназар.
Вун ашкъиди хуьрай, тагуз рикlиз тlар,
Пlузаррални хъвер тахьайтlа гьайиф я.