Бахтид дад

Привкус счастья

Гьарнас вылц1ий гьынчир нубат-
Гъершес гьарна джуды къисмат.
Шуна къули гъатте бармак-
Гьа1са хьипхьос джубра кулак!

Г1эль вишийне гьыхды лугъат,
Вахар выкъас вахда гьу1рмат.
Гилигьийне гьац1ад гьа1дат-
Сиенбишис йикис тылакъ-

Кулад илкид ва1чед гушагкъ.
Сиен карбыр гьаар гузат -
Гивхе гьавий гьапхыд магьа1д.
Быш вишийне эгер къуват-

Хахьыр хылир гыблид кагъад,
Саламатан хавхьа магьа1д-
Сагъан апкас выды сурат!
Гьасий, бала, гьынчид гьадат!

Гье1мид карбыр гьаъ гъуй гузат;
Гьайвыр гъургъас, яхар рагьт,
Са ч1илыхьон - бахтид сагьат!
Ка1птар гьик1ьикъ гьа1вийды дад,

Э1вч1ос дженде йа1 кид къуват...
Выкъас халы зурбад ла1бат,
Къари сырха1с бала хъыркад,
Кулфат викис вахда быт1рад-

Гьивыр-мыер гьигит - улмат,
Арий викис: Ит, нугьу1бат!
Ачих йикис ры1хьыд рухьод!
Дженде йикис гьик1 лап гуркад,

Фитниймыхьон еч чурухьод.
Хал агеде гьыхды гьурмат...
Гьайвыр гъургъас бахтид сагьат!
Дюзен хавхъа ва гъад бармак.

05.10.17г