Х1АНА ГОВ. Мустафа Ганижев

Х1ана гов-кха хьо ц1ава дукха?
Хац-кха хьона, аз мел саготду!
Хьунаг1ар хьазилгаш дац мукъа,
Хьога хьежаш, аз даьра къаду.

Тхо кийча ма дий хьо т1аэца,
Дог соцадалар, тоха ца луш.
Мела ха хул кхоачалуш меца,
Хьежара ха йодац в1алла гуш.

Сагота хул, дешах товра дац,
Мела бала хул цун т1ехьа ла!
Хьажал, хьо воацаш са тхов бий хац,
Дусаш г1аддайна, дине села.

Шийла я сона саготданна,
Дицдалар сона елаялар
Из ца1 да, сона гучадаьнна,
Сона дийзар, хьо сайца висар.

20. 09. 2017 г.