И. Крылов. Мяхъвюн гьарикк сил - Свинья под дубом

И.А.КРЫЛОВ

МЯХЪВЮН ГЬАРИКК СИЛ


Варж йисандин Мяхъюн Гьарин кIанакк Сил,
Фун абцIну, хъаар гъяйиз дитIну мяхъвяр,
Тухъ хьайизкьан абхуру; хъебгуб хъасин
Гьарин кьаб рибгъуз хъюбгъру, кайибси хъял.
?Зарар туври ава гьариз,-
КIуру Гьаргъян Хъюттли Силиз,-
Кьаб гъяцIли гъапIу гьар мумкин ву чубхуз.?
?Чаз ккуш чубхри! Дидин дерди кадарзуз,-
КIуру сили, - Гьар лазимуб дар, анжагъ
Мяхъвяр гъузри: дурарилан шулзу чагъ.? -
?Увуз гъапIу уж`вал аьгъю шлуб дарва,-
Мяхъвюн Гьари Силиз апIуру жаваб,-
Либгуз шуйиш, мучIмучI за ккюбхну сабцIиб,
Рябхъидийвуз, му мяхъвяр уз`ин алиб?.

Гьамци курди авамари илмариз
Ва аьгъювалариз апIуру люкьнар,
Чиб гьадрарилан гъахьи натижйири
Уьрхюрайиб дицдариз гьич хабар дар.

ИлтIибкIур Э.Аьшурбегова