Б. Пастернак Так любить, чтоб замирало сердце..

АкI кан жен герек хьи, акъваздайвал рикI,
Гьар нефес жедайвал - сад лагьай хьтин,
Къведайвал руьгьдиз чим, тек и жуьре гьикI
ЦIун вилик кани тир, мили вилерин.

АкI кан жен, легьзеда бахтаварвилин
Лап гуз алакьдайвал уьмуьр, кьатIана,
Килиг тийиз чIана, гьавайриз чилин,
Вилив хуьз жедайвал умуд датIана.

Гьар килигун герек – са сир акъаюн,
Гьар темен - са пай хьиз халикьдин патай.
Нагагь яз хьайитIа, лап чIар галукьун,
Адалай гьатдайвал, рикIин къене цIай.

АкI кан жен, къеневай мурадар тек-тек
Кьилиз акъатдайвал, гьисабдив тагуз…
Дуьа хьиз, гьар юкъуз тикрарин герек :
?Сагърай, и дуьняда вун ава, лугьуз…?