Джон Маккрей. В полях Фландрии -пер. на табасаран

Джон МАККРЕЙ

ФЛАНДРИЯЙИН ЧЮЛИЪ

Фландрияйин чюлиъ кьютIкьютI кюкйири
Лепе туври а крестарин жергйиригъ,
Хъурснайдаригъ, дудрургуз пну ич накьвар.
Завуъ тIирхурайи псинчIарин мукьмар
Дургура жил’ин пушкйирин пIакьаригъ.

Дийихначу. Хъа накь-швургъан имийчуз
Ахсрар кархьри, гвачIин ва хябяхъ шули…
ЮкIвар улуркьну айи ярар айчуз.
Гьамус дахьнача Фландрияйин чюлиъ.

Кабхьну айи чирагъ бисай ич хил’ан,
Лишан вуди ислягьвалихъ женг зигбан.
Эгерки гъидрибтиш учву кIваинди,
Учу фтихъ жан тувнуш, учхьан сикинди
Ахуз хьидар - кюкдихъ хъашра кьютIкьютIар
Фландрияйин чюлиъ.

(На табасаранский язык перевела
Эльмира Ашурбекова)