Роза Агоева. Дахар хадахь...

Дахар хадахь хьайнчул хьалха сайниг,
Дехар хир ду хьоьга сан весетах:
ЧIир а лаций, хорам къуьйлуш хьайна,
Далла дезна доцург тIе ма леца.

ГIайгIанечу новкъахь со ма леха,
ГIийла ойла суна хийра хилла.
Со-м, Чегем-хин гIовгIа лерехь ехаш,
Зевне некъаш гездина юй хийла.

Ахь со леха дахаран мукъамца:
БIаьргаш теIош, седа серлабаьлча,
Стигал этIош, Iеначу догIанца,
Ховха буц мехашца ловзаяьлча.

Олхазарийн эшаршка ладогIий,
Тергалъе ахь сох йисина бIаьсте –
Гур ду хьуна, цо хьан дог ма-хьаьстти,
Сан са ирсах хьуна гергадогIур.

(ГIебартойн маттера)