В. Латынин. Звёздный вечер

Гъетер алай нян

Каспиди гьалзава рагъул лепеяр,
Йиф кьерен нацIара акъудрай лугьуз.
Цаварик кутунва гъетери цIаяр.
Хиялри ялзава, къекъуьнихъ тухуз.

Шегьер яваш-яваш физва ахвариз.
ДакIарра цIразва къизилдин навар.
Къе зазни гьикI лувар гузва цавари,
Ажайиб хиялриз амач часпарар.

Вучиз верцивилер къвезва хиялриз?
Эхкъвена зун жегьил хьанва, на лугьун.
Зи рикIе гьатзава жаваб суалриз-
Садаз и шегьерда канзавай тир зун.

Кьве кани руьгь санал кудай цIаяр хьиз,
Гьарда вич муькуьдаз савкьат гуз авай.
Саврухривай гьеле алакьнач шиткиз,
РикIин чим, йисарин руьхъведи хвенвай!